Qeveria e Kosovës merr vendim që ndalimi i qarkullimit të lirë për qytetarët të mbetet në fuqi deri më 12 prill

Qeveria në detyrë e Kosovës, ka mbajtur sot mbledhjen e radhës. Në mbledhjen e së dielës së Qeverisë në detyrë të Kosovës, janë shqyrtuar vendimet rreth masave për parandalimin e përhapjes dhe kontrollit të pandemisë COVID-19. Përmes një njoftimi për medie, është bërë e ditur se në këtë mbledhje është marrë vendim që ndalimi i qarkullimit të lirë i qytetarëve të mbetet në fuqi deri më 12 prill, pra deri të dielën tjetër.