Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministria e Punëve të Jashtme e Kosovës, nëpërmjet Zyrës Ndërlidhëse, në Serbi, ka konfirmuar edhe një rast tjetër të ndalimit dhe arrestimit të një bashkëkombësi, përderisa ai ka qenë duke kaluar nëpër territorin e Serbisë. Ndalimet dhe arrestimet e vazhdueshme të shtetasve të Kosovës nga Serbia mund të vlerësohen si një gjueti shtrigash nga autoritetet e këtij shteti dhe praktika të politikave të Millosheviqit”, thuhet në reagimin e MPJ-së. Ministria e Punëve të Jashtme e Kosovës “thërret fqinjin verior që urgjentisht të ndalë keqtrajtimet, maltretimet dhe shkeljet sistematike të të drejtave të njeriut ndaj shtetasve të Republikës së Kosovës, të cilët po e shfrytëzojnë Serbinë si rrugë transiti”. “Ministria thërret Bashkimin Evropian, shtetet e Kuintit dhe komunitetin ndërkombëtar, që urgjentisht t’i tërheqin vërejtjen shtetit fqinj ndaj sjelljeve të tilla dhe kërkon me ngulm lirimin e menjëhershëm të tij”, përfundon reagimin i MPJ-së. Edhe kjo deklaratë deklarative e Qeverisë bie në vesh të shurdhër, derisa Qeveria e Kosovës nuk guxon të aplikojë masa reciprociteti, sa do që ka paralajmëruar herë pas herë.
