Ramosaj: Me krenari, përmbyllëm një projekt të rëndësishëm për fuqizimin ekonomik të grave bletare

05/06/2026 Institucionet

Kryetari i komunës së Deçanit, z. Bashkim Ramosaj ka deklaruar se me krenari përmbyllën një projekt të rëndësishëm për fuqizimin ekonomik të grave bletare në komunën e Deçanit.

Ky projekt, i iniciuar nga drejtori i ndjerë i Bujqësisë, Rifat Stojkaj, u realizua falë bashkëpunimit me organizatën Mëshqerra, nën udhëheqjen e drejtoreshës Florentina Kida-Gerguri, si dhe me Shoqatën e Bletarëve Aldi.

Përmes kësaj nisme, 31 gra bletare përfituan pajisje dhe mbështetje të nevojshme për zhvillimin e veprimtarisë së tyre. Ky projekt është dëshmi e vizionit dhe përkushtimit për të mbështetur fermerët bletarë, me theks të veçantë gratë, duke krijuar mundësi më të mira për zhvillim ekonomik dhe qëndrueshmëri në sektorin e bletarisë.

Njëkohësisht, ky është një kujtim i veprës dhe kontributit të çmuar që Rifat Stojkaj dha ndër vite për bujqësinë dhe fermerët e komunës sonë, deklaroi kryetari i komunës, z. Bashkim Ramosaj.

Kontrolloni gjithashtu

Kuvendi i Komunës së Rahovecit, mbajti mbledhjën e shtatë të rregullt për vitin 2026

Nën udhëheqjen e Kryesuesit të Kuvendit komunal të Rahovecit, z. Fatmir Iska, u zhvillua mbledhja …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara