Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot, rreth 30 mijë nxënës të klasave të nënta në gjithë Kosovën do t’i nënshtrohen testit të arritshmërisë, që organizohet nga Ministria e Arsimit, Shkencës dhe Teknologjisë. Ndërsa mësim nuk do të zhvillohet vetëm në ato qendra ku mbahet testimi. Udhëheqësi i Divizionit për Vlerësim, Standarde dhe Monitorim në Ministrinë e Arsimit Shkencës dhe Teknologjisë, Mustafë Kadriu, ka thënë se çdo gjë është gati për mbarëvajtjen e testit në 107 qendra të testimit, i cili mbahet sot. Ky test do të fillojë në ora dhjetë dhe do të zgjasë tri orë. Kadriu tha se testi është njëri ndër kriteret përcaktues për orientimin e mëtejmë të nxënësve. Rezultatet e testit të arritshmërisë do të publikohen me datën 1 qershor, dhe afati i ankesave do të jetë i hapur tri ditë pas shpalljes se rezultateve.
