Rritet bashkëpunimi i qytetarëve me Inspektoratin për ruajtjen e pastërtisë në Komunën e Malishevës

20/04/2026 Institucionet

Komuna e Malishevës njofton qytetarët se, në kuadër të angazhimeve për një ambient më të pastër në të gjitha lokalitetet e komunës, Drejtoria e Inspektoratit ka shënuar rezultate pozitive pas thirrjes publike për parandalimin e hedhjes së mbeturinave në hapësira publike dhe për bashkëpunim me institucionet komunale.

Sipas Drejtorisë së Inspektoratit, pas publikimit të njoftimit janë pranuar një numër i konsiderueshëm informacionesh nga qytetarët, të cilët kanë raportuar raste të hedhjes së mbeturinave në vende të papërshtatshme. Raportimet janë shoqëruar edhe me dëshmi konkrete, përfshirë fotografi të personave që kanë vepruar në kundërshtim me rregullat e përcaktuara.

Ky bashkëpunim është në përputhje me thirrjen e komunës për respektimin e vendimeve të Kuvendit Komunal, sipas të cilave mbeturinat duhet të hidhen vetëm në hapësirat e caktuara për këtë qëllim.

Drejtoria e Inspektoratit bën të ditur se ndaj çdo personi për të cilin ekzistojnë dëshmi për shkelje të këtij vendimi janë duke u shqiptuar gjoba në përputhje me legjislacionin në fuqi. Komuna e Malishevës vlerëson se bashkëpunimi i qytetarëve po kontribuon dukshëm në përmirësimin e gjendjes së pastërtisë në komunë.

Komuna e Malishevës falënderon të gjithë qytetarët që po japin kontributin e tyre për ruajtjen e një mjedisi më të pastër dhe më të rregullt për të gjithë.

Drejtoria e Inspektoratit

Jakup Gashi, Drejtor

Kontrolloni gjithashtu

U përkujtua dëshmori Kemajl Azizi

Në 27-vjetorin e rënies heroike të dëshmorit të kombit, Kemajl Azizi, Kryetari i Komunës së …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara