Rrugët e Ferizajt të pastruara nga bora, gatishmëri maksimale e autoriteteve

Makineri të rënda dhe ekipe të shumta mobile dolën në orët e para të mëngjesit të së dielës në të gjitha rrugët e territorit të Ferizajt për të pastruar akset rrugore nga reshjet e dendura të borës. Një gatishmëri e tillë e gjithë mekanizmit reagues nuk është parë në të kaluarën ku për fat të keq shumë rrugë ishin të bllokuara për ditë me radhë. Kjo falë, përkushtimit të qeverisjes lokale dhe kujdesit të të parit të Ferizajt, Agim Aliu që të përmbyll me kohë gjithë procedurën e tenderimit për mirëmbajtjen dimërore të rrugëve në gjithë territorin e Ferizajt. E gjithë zona rurale si ajo urbane është e mbuluar në kuadër të këtij operacioni mirëmbajtjeje, përkatësisht pastrimi të rrugëve nga bora. Nga raportimet e terrenit, dëshmohet se të gjitha rrugët janë të kalueshme dhe vazhdimisht po intervenohet nga operatorët ekonomik dhe ndërmarrje publike në hapjen e rrugëve, gjegjësisht pastrimit e tyre nga reshjet e borës. Komuna e Ferizajt gjithashtu, fton qytetarët që të mobilizohen përskaj vendbanimeve të tyre, përkatësisht pronave të tyre, në heqjen e borës, që të lehtësohet qarkullimi edhe aty ku mund të ketë pengesa. Një mot i tillë pritet të vazhdoj edhe ditëve në vijim, me ç’rast ferizajasit kanë garancinë e plotë se rrugët e qarkullimit të tyre do të jenë të pastruara nga autoritetet lokale dhe ato të kontraktuara.

Kontrolloni gjithashtu

Kryetari Fadil Nura ka pritur në takim Komisioneren e Agjencisë për Informim dhe Privatësi, Krenare Sogojeva-Dërmaku

Kryetari i Komunës së Skenderajt, Fadil Nura, ka pritur në takim Komisioneren e Agjencisë për …