Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shefi i politikave të jashtme të BE-së, Josep Borrell, ka deklaruar për mediet se zgjidhja e bllokadës së Rusisë ndaj eksporteve ukrainase është një çështje “jete dhe vdekjeje për shumë qenie njerëzore. Rusia duhet të zhbllokojë dhe të lejojë eksportin e grurit ukrainas”, u tha Borrell gazetarëve përpara një takimi të ministrave të jashtëm evropianë në Bruksel. Takimi do të fokusohet në Ukrainë. Ministri i Jashtëm i Kievit Dmitro Kuleba pritet të marrë pjesë në takim dhe të raportojë mbi situatën në terren. Ministrat do të diskutojnë rreth sanksioneve kundër Rusisë dhe të rrisin mbështetjen ushtarake për Ukrainën, tha Borrell. Të mërkurën, Komisioni i BE-së do të diskutojë gjithashtu furnizimin me gaz dhe shkëputjen e bllokut nga energjia ruse.
