Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-eprori i lartë i UÇK-së, Sadik Halitjaha, ka reaguar për paturpësinë e liderëve politikë të vendit që vazhdojnë ta lejojnë që të qëndrojë pranë varrezave të dëshmorëve të kombit simboli i ish-Jugosllavisë, ashtu sikur trekëmbëshi në mes të Komunës së Prishtinës dhe Kuvendit të Kosovës.
Sadik Halitjaha ka thënë së këto simbole dhe regjimin okupator serb e jugosllav e kanë luftuar dëshmorët e kombit. “Si nuk turpërohen ata kur pikërisht pranë varreve të dëshmove dhe të heronjve si Adem Demaçi e shumë të tjerëve, të qëndrojë simboli i ish-Jugosllavisë me gjashtë republikat e dy krahinat i ish RSFJ-së. Dhe pa fije turpi prononcohen duke e pasur mbrapa shpine këtë simbol që ka rënduar me pushtimin e rëndë, mbi kurrizin e popullit tonë me dekada, që nga Lufta e Dytë Botërore.
Dyshoj se dikush, apo shumë kush nga liderët përkujdeset ta ruajë këtë simbol dhe atë trekëmbëshin në mes Komunës e Parlamentit. Sa rëndë e ndiejnë luftëtarët, familjaret e dëshmove?! Çfarë kuptimi logjik e njerëzor ka të prehen dëshmoret pranë këtij simboli të një Shteti pushtues për afër një shkull mbi tokat shqiptare, kur dëshmorët ranë duke e luftuar këtë simbol, këtë regjim e këtë pushtues, serb, sllav e jugosllav. Kështu ndodh kur të pa merituarit janë në pushtet e nuk dinë apo nuk duan të bëjnë Shtet!”, ka shkruar, ish zëvendës-komandanti i Zonës Operative të Pashtrikut, Sadik Halitjaha.
