Së paku 10 turistë gjermanë janë vrarë dhe 15 të tjerë janë plagosur si rezultat i shpërthimit në një lagje në qendër të Stambollit, që është e populluar me turistë nga vende të ndryshme. Pamjet televizive nga vendi i ngjarjes i kanë paraqitur disa trupa të shtrirë në tokë. Raportet nga Turqia bëjnë me dije se turistë të huaj, duke përfshirë gjermanë, norvegjezë dhe koreanë të jugut, janë në mesin e të plagosurve nga shpërthimi që ka ngjarë paraditen e së mërkurës. Kryetari i Turqisë, Erdogan ka thënë se në mesin e të vrarëve ka të huaj dhe turq. Unë e dënoj fuqishëm sulmin terrorist në sheshin Sulltan Ahmet të Stambollit, i cili është kryer nga një sulmues vetëvrasës me origjinë siriane”, ka thënë presidenti Erdogan. “Caku i parë i të gjitha grupeve aktive terroriste në këtë rajon është Turqia, sepse ajo i lufton të gjithë ata me vendosmëri të njëjtë”, ka shtuar presidenti turk. Zëvendëskryeministri i Turqisë, Numan Kurtulmus ka thënë se sulmuesi vetëvrasës është një sirian, i lindur në vitin 1988.