Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sekretari i Përgjithshëm i Këshillit për Bashkëpunim Rajonal, Amer Kapetanoviq, u takua në Tiranë me Presidentin e Shqipërisë, Bajram Begaj, dhe Kryetaren e Kuvendit të Shqipërisë, Elisa Spiropali. Qëllimi i vizitës, e cila është pjesë e turneut të Sekretarit të Përgjithshëm të RCC-së në rajon, ishte diskutimi i agjendave të bashkëpunimit rajonal, përparimi i nismave në zbatim , si dhe planeve të ardhshme. Gjatë takimeve, Sekretari i Përgjithshëm Kapetanoviq përgëzoi Tiranën për arritjet e saj gjatë Kryesisë të Procesit për Bashkëpunim në Europën Juglindore, duke theksuar përkushtimin e saj për forcimin e stabilitetit, sigurisë dhe rritjes ekonomike në rajon. Ai gjithashtu vlerësoi Shqipërinë për përparimin e bërë në procesin e anëtarësimit në BE, përfshirë hapjen e dy grup-kapitujve të negociatave, dhe për përputhjen e saj të fortë me Agjendën e Politikave 2022-2024 të Zonës Evropiane të Kërkimit, si dhe për faktin që ishte e para nga Ballkani Perëndimor që iu bashkua SEPA-s, së bashku me Malin e Zi.
