Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sekretari i përgjithshëm i Lidhjes Demokratike të Kosovës, Ismet Beqiri, ka thënë se kjo parti është kundër shfuqizimit të Gjykatës Speciale dhe pro votimit të demarkacionit me Malin e Zi. Këtë qëndrim Beqiri ia ka shprehur, presidentit të Partive Popullore Evropiane, Joseph Daul, gjatë qëndrimit në Strasburg.
“Mora pjesë në takim të grupit parlamentar të Partive Popullore, ku ne LDK-ja, jemi anëtar. U takova me z. Joseph Daul, president i Partive popullore Evropiane. E informova për zhvillimet aktuale në Kosovë dhe qëndrimet e qarta të LDK-së, veçmas për dy çështjet preokupuese këto ditë. Jemi kundër shfuqizimit të Gjykatës Speciale dhe jemi për votimin e demarkacionit me Malin e Zi”, ka shkuar në mes tjerash Beqiri në një postim të tij.
