Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti nga radhët e Partisë Demokratike të Kosovës ka shfaqur shqetësimet për mungesë të duhur të menaxhimit të kursimeve të qytetarëve të Kosovës në Trustin e Kursimeve Pensionale. Ai ka theksuar se është shqetësuese fakti që mbi 2 miliard e 500 milion euro të investuara brenda dhe jashtë vendit, janë pa nivel të lartë menaxhimi. “Është shqetësuese për ekonominë e vendit, për sistemin financiar vendor, neglizhenca dhe përbuzja e Qeverisë në këtë relacion, kur ne sot të gjithë kapacitetet financiare të Trustit, mbi 2.5 miliard euro, të investuara brenda dhe jashtë vendit, i kemi pa nivel të lartë menaxhimi, i kemi jashtë kontrollit. Këto para i kemi jashtë sistemit menaxherial në kohën e lëvizjeve të mëdha në tregjet globale, në kohën e një shkalle të lartë të inflacionit. Rreth 500 milion euro mjete në sistem ose në instrumente mikrofinanciare, praktikisht në para kesh, janë pa nivel të duhur të menaxhimit si rezultat i një politike të pa qartë, të pa njohur, të pa parë deri më tani te Qeverisë së Kosovës. Është e pakuptueshme se si është kaq inferiore, kaq neglizhencë, kjo qeveri në raport me mjetet e taksapaguesve, me mjetet e Trustit, me mjetet e të gjithë atyre kontribuuesve” ka deklaruar për Ekonomia Online, deputeti i Kuvendit të Kosovës, Ferat Shala.
