Zyrtarë të Qeverisë së Kosovës vazhdojnë të deklarojnë se pa shuarjen e plotë të strukturave paralele nuk do të fillojë hartimi i Statutit për themelimin e Asociacionit të Komunave me Shumicë Serbe. Ata kanë shtuar më tutje se nuk është vetëm Marrëveshja për Telekomunikacionin ajo që do të mundësojë zbatimin e Marrëveshjes për themelimin e AKS-së, por edhe shuarja e plotë e strukturave paralele të Serbisë që vazhdojnë të operojnë ilegalisht në Kosovë. Nga ana tjetër, zyrtar të Listës Serbe kanë thënë se pas arritjes së Marrëveshjes për Telekomunikacionin do të filloj themelimi I Asociacionit të Komunave Serbe.
