Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nënkryetari i Partisë Demokratike të Kosovës, Shaqir Totaj, ka deklaruar se iniciativa e Lëvizjes Vetëvendosje për rrëzimin e qeverisë është joserioze. Ai ka thënë se qeveria nuk mund të rrëzohet pa i siguruar votat në Kuvend. Në një intervistë për gazetën “Epoka e re”, ai ka thënë se PDK-ja merret me këtë çështje vetëm pasi mocioni të vijë në Kuvend. “Derisa nuk i ka nënshkrimet dhe nuk arrin ta mbledhë numrin e mjaftueshëm të votave për mocion, ne e konsiderojmë iniciativë joserioze. Ndërsa neve nuk na është drejtuar në mënyrë formale e as zyrtare ashtu siç do të duhej t’i drejtohej një parti partisë tjetër. Apelet në konferenca për media për ne janë joserioze. Totaj ka vlerësuar se tani nuk është koha e duhur për ta rrëzuar qeverinë. “Çështja e rrëzimit të qeverisë duhet të ndërlidhet edhe me momentin. Pra, të shihet se kur është momenti më i volitshëm për të shkuar në zgjedhje. Jo vetëm ta rrëzojmë qeverinë pa ditur çka më tutje”, është shprehur ai.
