Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shtetet e Bashkuara të Amerikës kanë kërkuar nga Shqipëria që të ruajë ekuilibrin mes tërheqjes së investimeve të huaja dhe mbrojtjes së interesave kombëtare në sektorët strategjikë dhe infrastrukturën kritike. E ngarkuara me punë në Ambasadën amerikane në Tiranë, Nancy VanHorn, deklaroi se investitorët seriozë kërkojnë rregulla të qarta, siguri juridike dhe mbrojtje nga aktorët që nuk respektojnë standardet ndërkombëtare. Duke folur në prezantimin e draft-kornizës për shqyrtimin e investimeve të huaja, VanHorn tha se mekanizmi i ri nuk duhet parë si pengesë burokratike, por si një deklaratë strategjike që dëshmon se Shqipëria është e hapur për biznes, duke mbrojtur njëkohësisht interesat e saj kombëtare. “Kompanitë amerikane janë këtu në energji, ndërtim dhe teknologji dhe shumë të tjera po shqyrtojnë mundësinë për të investuar në Shqipëri. Por investitorët kanë nevojë për besim se rregullat janë të qarta dhe se sektorët strategjikë mbeten të mbrojtur”, theksoi ajo. VanHorn shtoi se miratimi i ligjit është vetëm hapi i parë, ndërsa zbatimi i tij do të përcaktojë suksesin ose dështimin e këtij mekanizmi, duke garantuar mbështetjen e SHBA-së gjatë këtij procesi.
