Shënohet dita e çlirimit të Kaçanikut

12/06/2017 Institucionet

Me aktivitete të shumta është shënuar ditë e çlirimit të Kaçanikut. Fillimisht janë bërë homazhe tek Varrezat e dëshmorëve në Komunën e Kaçanikut, ndërsa një akademi përkujtimore është mbajtur në pallatin e kulturës “Xheladin Kurtaj”. Në fjalën e rastit Diana Reka- Drejtoresha për Shëndetësi dhe Mirëqenie Sociale, tha se të kthehemi 18 vite pas, e të rikujtojmë atë kohë të vështirë është shumë emocionuese për ne që e përjetuam atë kohë, ndërsa frymëzuese për brezat e rinj. Drejtoresha Reka tha se duke kujtuar sakrificën e dëshmorëve dhe të rënëve për liri, gjejmë forcë dhe guxim për të vepruar e punuar dhe për të marrë përgjegjësi qytetare dhe institucionale. Ndërkohë në emër të veteranëve të luftës, Izet Krivenjeva nga Organizatat e dala nga lufta uroi qytetarët e Kaçanikut për festën e çlirimit. Për nderë të kësaj feste është hapur edhe një ekspozitë në hollin e Shtëpisë së Kulturës, e cila do të qëndroj e hapur për disa ditë.

Kontrolloni gjithashtu

U mbajt akademi përkujtimore në nderim të heroit Abaz Thaçi dhe 10 dëshmorëve tjerë nga Drenica

Në Qendrën e Kulturës “Hasan Prishtina” në qytetin e Skenderajt është mbajtur akademi përkujtimore në …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara