Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shërbimi Korrektues i Kosovës ka larguar nga puna Burim Buleshkajn, ish-ushtrues detyre i Drejtorit të Departamentit për Operativë Siguri dhe Transport të të Burgosurve në Shërbimin Korrektues dhe Destan Zogajn, Zyrtar Korrektues, në Qendrën e Paraburgimit Prizren. Në njoftim thuhet se ndaj tyre ishte iniciuar procedurë disiplinore për “shkelje të rëndë lidhur me veprimet, mosveprimet në rastin e ngjarjes së rëndë në Qendrën e Paraburgimit në Prizren në nëntor të vitit 2016 me rastin e vdekjes së Astrit Deharit. Gjatë hetimit dhe rishqyrtimit të të gjitha rrethanave lidhur me ngjarjen dhe përgjegjësitë e tyre, Komisioni Disiplinor i Shërbimit Korrektues të Kosovës ka konstatuar se lidhur me rastin në fjalë, Burim Buleshkaj dhe Destan Zogaj janë përgjegjës për shkelje të rëndë disiplinore. Andaj, Komisioni Disiplinor i Shërbimit Korrektues të Kosovës duke u bazuar në këto shkelje ka vendosur largimin e të dy nëpunësve civil nga puna, të cilët ishin pezulluar ara pesë muajsh.
