Ministri i Jashtëm i Polonisë, Radek Sikorski ka thënë se prania e forcave të NATO-s në Ukrainë nuk duhet të jetë e paimagjinueshme. Këtë deklaratë ai e bëri gjatë një diskutimi të mbajtur me rastin e 25-vjetorit të anëtarësimit të Polonisë në NATO. Ai nuk foli për ndonjë plan për të dërguar trupat polake në Ukrainë por theksoi se e mbështet qëndrimin e presidentit të Francës, Emmanuel Macron, i cili ka deklaruar se mundësia që trupat perëndimore të dërgohen në Ukrainë nuk duhet të përjashtohet. Pas kësaj deklarate ka reaguar Kremlini dhe ka paralajmëruar se nëse NATO-ja do të dërgojë trupat luftuese, një konflikt i drejtpërdrejtë mes aleancës dhe Rusisë do të ishte i pashmangshëm. Presidenti rus, Vladimir Putin, ka theksuar se një lëvizje e tillë do të rrezikonte që të shpërthente një konflikt botëror bërthamor.
Kontrolloni gjithashtu
AAK-ja ka festuar 24-vjetorin e themelimit në një takim me strukturat e të gjitha niveleve të organizimit dhe me simpatizantë
Aleanca për Ardhmërinë e Kosovës ka festuar 24-vjetorin e themelimit, me një takim të organizuar …