Situata me Ethet Hemorragjike (EHKK) në Malishevë mbetet e qetë dhe nën kontroll të plotë

10/06/2026 Institucionet

Situata me EHKK në Malishevë mbetet e qetë dhe nën kontroll të plotë.

Shtabi Komunal për Menaxhimin e Situatës me Ethet Hemorragjike Krime Kongo (EHKK) ka mbajtur sot takimin e radhës, në të cilin është vlerësuar gjendja endemike në komunë. Sipas vlerësimeve të paraqitura, situata mbetet e qetë dhe nën kontroll të plotë.

Takimi u drejtua nga kryesuesi i shtabit, Amrush Helshani, drejtor i Drejtorisë për Shëndetësi, ndërsa anëtarët e shtabit raportuan për aktivitetet e realizuara deri më tani në kuadër të zbatimit të masave parandaluese.

Gjatë takimit u diskutua për fushatat e vetëdijesimit të qytetarëve, trajtimin e rasteve të thumbimeve, procesin e dezinsektimit, si dhe repelimin e kafshëve, të cilat janë masa të parapara në Strategjinë Kombëtare për Luftimin dhe Parandalimin e EHKK-së.

Bazuar në të dhënat e prezantuara, situata aktuale vlerësohet e menaxhueshme dhe nën kontroll të plotë. Deri më tani, në Komunën e Malishevës nuk është regjistruar asnjë rast i infektimit me Ethet Hemorragjike Krime Kongo.

Kontrolloni gjithashtu

Asociacioni i Komunave të Kosovës kontribuon në programin kombëtar për parandalimin e mbeturinave

Asociacioni i Komunave të Kosovës ka marrë pjesë aktive në punëtorinë dyditore, organizuar nga Ministria …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara