Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Një sondazh i fundit i Institutit Ndërkombëtar Republikan (IRI), i zhvilluar nga 13 maji deri më 25 qershor 2025 me një kampion prej 1,164 të rriturish, ka treguar pakënaqësi të lartë të qytetarëve të Kosovës me drejtimin e vendit. Sipas të dhënave, 56% e qytetarëve mendojnë se Kosova po ecën në drejtim të gabuar, duke shënuar një përkeqësim të dukshëm krahasuar me vitin e kaluar. Sfida më e madhe për qytetarët mbetet kostoja e lartë e jetesës, e përmendur nga 45% e të anketuarve. Pas saj renditet papunësia me 19%, ndërsa korrupsioni përmendet si problem kryesor nga 6% e qytetarëve. “Çmimet e larta dhe kostoja e jetesës janë shqetësimet kryesore që po rëndojnë mbi qytetarët tanë,” deklaroi një përfaqësues i IRI-së. Ai shtoi se korrupsioni, pavarësisht se përmendet më pak, mbetet një pengesë serioze për zhvillimin e vendit. Sondazhi nxjerr në pah një gjendje të rënduar sociale dhe ekonomike, ku qytetarët shfaqin pakënaqësi të theksuar me drejtimin që ka marrë Kosova.
