Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në qytetin Colmar të Francës, aty ku ditë më parë është arrestuar Ramush Haradinaj, sot do të mbahet një protestë për të kundërshtuar arrestimin e ish kryeministrit të Kosovës, Ramush Haradinaj. Protesta është organizuar nga shqiptarët që jetojnë dhe veprojnë në Francë, përkrahur edhe nga Shoqata “Lëvizja”. Organizatorët u kanë bërë thirrje të gjithë shqiptarëve që ndodhen në Francë, Zvicër, në Gjermani dhe vende te tjera të Evropës, që të shtunën në mesditë të marrin pjesë në protestën në përkrahje të Ramush Haradinajt, i arrestuar me urdhër të Serbisë nga autoritetet francezë të drejtësisë. Qëllimi i protestës është kërkesa për lirimin sa më të shpejtë të Haradinajt, dhe hedhjen poshtë të të gjitha fletë-arresteve që datojnë nga regjimi i Millosheviqit. Protesta në Colmar të Francës fillon në orën 13:00.
