Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot u mbajt paraqitja e parë publike e ish-kryetarit të PDK-së, Kadri Veseli në sallën e Gjykatës Speciale, në Hagë. Njëri nga themeluesit e UÇK-së, Kadri Veseli, para trupit gjykues të Gjykatës Speciale, ka thënë se e ka lexuar aktakuzën dhe se është i pafajshëm. “Me bindje të plotë, e them se jam i pafajshëm në të gjitha pikat e aktakuzës”, ka thënë Veseli. Në këtë seancë është bërë me dije se Ben Emmerson, avokati i njohur britanik, do të jetë përfaqësuesi ligjor i Veselit në Gjykatën Speciale. Avokati Emmerson ka marrë pjesë virtualisht në dëgjimin e parë publik të Kadri Veselit para Gjykatësit të Dhomave të Specializuara. Ben Emmerson i specializuar në të drejtën ndërkombëtare dhe të drejtave të njeriut, të drejtës ndërkombëtare dhe penale kushtetuese e publike, e njeh shumë mirë Kosovën, UÇK-në dhe luftën e saj për liri. Më herët, ai ka qenë avokat i Ramush Haradinajt në Gjykatën e Hagës. Dje para Speciales kanë folur edhe ish-kryetari i vendit, Hashim Thaçi dhe ish-kryekuvendari, Jakup Krasniqi. Para Gjykatës Speciale nesër pritet të deklarohet edhe shefi i grupit parlamentar të Vetëvendosjes, Rexhep Selimi.
