leoni

TAKIMI I RADHËS I SHTABIT EMERGJENT KOMUNAL TË JUNIKUT

07/04/2021 Institucionet

Shtabi Emergjent komunal i komunës së Junikut, ka mbajtur takimin e radhës pas vendimit të Qeverisë për masat e përgjithshme dhe të veçanta për kontrollin, parandalimin dhe luftimin e pandemisë COVID-19. Kryetari i komunës Agron Kuçi ka njoftuar anëtarët e shtabit me gjendjen epidemiologjike në komunën e Junikut dhe për masat e reja të marra nga Qeveria duke shfaqur edhe qëndrimin që ka pasur në takim me ministrin e Shëndetësisë dhe Këshillin e kryetarëve të komunave. Sipas profesionistëve shëndetësor situata në komunën e Junikut është e menaxhueshme, gjendja e të infektuarve është stabile dhe nuk ka asnjë të hospitalizuar nga të infektuarit, por nga komuniteti i bizneseve është brengosës dëmi që do pësojnë bizneset veçanërisht sektori i gastronomisë si pasojë e masave të fundit. Shtabi Emergjent Komunal është i mendimit që komuna e Junikut dallon për nga funksionimi, mundësia e operimit, por edhe disciplina qytetare, ndaj e sheh si mundësi që pas datës 18 Prill bizneseve të iu mundësohet ushtrimi i veprimtarisë në ambiente të hapura duke respektuar masat dhe duke rritur intensitetin e inspektimeve, por vazhdon ti lus qytetarët për kujdes, pasi që vendi ynë po ballafaqohet me mbingarkim të kapaciteteve shëndetësore, të ruani shëndetin tuaj dhe të tjerëve duke shmangur frekuentimet e hapësirave të mbyllura, kontaktet e afërta dhe duke respektuar masat mbrojtëse bazë me qëllim të ruajtjes së shëndetit të përgjithshëm.

Kontrolloni gjithashtu

Kryetari Haliti mbajti takim me mekanizmat relevant rreth parandalimit të përhapjes së zjarreve

Sot në Viti, me nismën e kryetarit të komunës së Vitisë, Sokol Haliti është mbajtur …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara