leoni

Takohet Shtabi Emergjent në Suharekë

22/08/2018 Institucionet

Shtabi Emergjent i themeluar nga Kryetari i Komunës së Suharekës Bali Muharremaj, janë takuar për të parë se deri ku kanë arritur me vlerësimet e dëmeve si dhe për të raportuar para Kryetarit Muharremaj. Kryetari Muharremaj e ka informuar Shtabin me gjendjen e tanishme në terren ku ka njoftuar për vizitën e Kryeministrit Haradinaj së bashku me disa vartës te tij qeveritarë që vizituan Suharekën, ai ka njoftuar se Kryeministri i ka marrë të gjitha informacionet se çfarë ka ndodhur në territorin e komunës sonë por edhe i ka parë vetë duke dalur në terren në disa fshatra dhe në qytet në Suharekë. Kryetari ka vazhduar duke thënë se do ta krijojmë një komision për vlerësimin e gjendjes pasi që tash vetëm janë ndarë 1.5 milion duro për ta sanur gjendjen. Ky komision do të formohet nga Shefat e Grupeve të Asamblistëve të Kuvendit Komunal.  Ka njoftuar se kemi pasur donacione të ndryshme nga disa kompani por edhe nga disa qytetarë vullnetarë. Ndërkaq KFORI, ka deklaruar se kemi sjellë një cisternë me ujë me 8 mijë litra ujë, por shumë pak kemi pasur kërkesa të ujit të pijes. Kryetari ka kërkuar nga KFORI që nëse kanë mundësi të na ofrojnë ndihmë në pastrimin e lumenjve. Përfaqësuesi i KFOR-it është përgjigjur duke thënë se përgjigjen për këtë do ta keni nesër. Kryetari Muharremaj ka treguar që do të ndahen në tri kategori, të prekurit nga vërshimet dhe do të fillojmë në përkrahje së pari ata të cilët vërtetë nuk kanë mundësi që vetë ta bëjnë sanimin e situatës nëpër shtëpitë e tyre.  Te gjithë të pranishmit në takim janë dakorduar që t’u ndihmohet qytetarëve që vërtetë kanë nevojë për të. Është pyetur nga kryetari edhe FSK-ja, nëse kanë mundësi që të na ndihmojnë në pastrimin e puseve me pompa të mëdha. Përfaqësuesit e FSK-së, janë përgjigjur duke thënë se na e bëni kërkesën dhe ne do të jemi çdo herë në dispozicionin tuaj.

Kontrolloni gjithashtu

Komiteti për Familjet e Dëshmorëve, Invalidëve dhe Veteranëve të UÇK-së  dhe Martirëve të luftës në komunën e Malishevës mbajti mbledhjen e tretë të rregullt

Komiteti për Familjet e Dëshmorëve, Invalidëve dhe Veteranëve të UÇK-së  dhe Martirëve të luftës në …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara