Një pjesë e rrugës “Xhorxh Bush” do të lirohet të mërkurën për qarkullim.
Kjo u konfirmua nga Drejtori i Shërbimeve Publike të Komunës së Prishtinës, z. Bekim Brestovci.
Brestovci tha se qarkullimi do të bëhet deri tek hyrja e parkingut.
“Nuk e kemi liruar për qarkullim por për ata që e shfrytëzojnë parkingun”, tha Brestovci.
Rruga “Xhorxh Bush” ka pothuajse një vit që është mbyllur për qarkullim të veturave.
Komuna e Prishtinës, fillimisht kishte marrë vendim që në hapësirat e këtij bulevardi të qarkullojë vetëm mjetet e transportit publik dhe taksitë, por më pas u vendos që të mbyllet qarkullimi edhe për to.