tv dielli
kek
MIT
Airport Adem Jashari
Fillimi / Institucionet / Telegram ngushëllimi i ministrit Kujtim Gashi me rastin e vdekjes së kantautorit të mirënjohur shqiptar Irfan Blakçori

Telegram ngushëllimi i ministrit Kujtim Gashi me rastin e vdekjes së kantautorit të mirënjohur shqiptar Irfan Blakçori

Ministri i MKRS-së Kujtim Gashi, me rastin e vdekjes së kantautorit të mirënjohur shqiptar Irfan Blakçori, i ka dërguar Familjes Telegram Ngushëllimi, ku ndër të tjera tha: E nderuara familja Blakçori, lajmin për vdekjen e më të dashurit tuaj, njëkohësisht kantautorit të mirënjohur shqiptar, e morëm me pikëllim të madh. Irfani u nda nga kjo jetë për të lënë pas vetes vepra të shumta dhe me vlerë. Krijimtaria dhe produktiviteti i punës së tij do të mbeten të paharruara për të gjithë ne. Realizimet e tij kanë begatuar thesarin e muzikës së lehtë shqipe. Me kontributin dhe punën e tij ai ka fituar respektin e të gjithëve që e kanë njohur, sidomos atyre në botën e muzikës. Padyshim mbetet një nga artistët më prodhimtarë, i cili ka bërë publikun për vete me zërin e tij unik si dhe tekstet e bukura që shkruante. Ne e kujtojmë me respekt angazhimin e tij të çmuar që ka dhënë në fushën e muzikës së lehtë shqipe. Ngushëllime familjes, miqve dhe dashamirëve të Irfan Blakçorit, thuhet në Telegramin e Ngushëllimit të ministrit Gashi.

Kontrolloni gjithashtu

Nëna vetëushqyese nga Klina e Eperme e Skenderajt është vendosur në banesën sociale

Kryetari i komunës së Skenderajt Bekim Jashari, bashkë me hoxhën e nderuar, Halil Kastrati, e ...