Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Avokati i OVL të UÇK-së, Tomë Gashi, ka deklaruar për mediet se pas refuzimit për t’u paraqitur në zyrat e EULEX-it, në Fushë-Kosovë, sot ka pranuar një e-mail prej Gjykatës Speciale, të lëshuar me kërkesë të prokurorit, Jack Smith, nga i cili është urdhëruar që si përfaqësues i veteranëve të mos shpërndajë asnjë prej materialeve konfidenciale. “Më është urdhëruar, si përfaqësues i organizatës të veteraneve të UÇK-së, për vendim të datës 25 Shtator 2020, ku kërkon nga OVL-UÇK të informoj Zyrën e Prokurorit të Specializuar nëse merr ndonjë informacion konfidencial ose jopublik të TFHS-së, ZPS-se ose Dhomave të Specializuara dhe të mos shpërndajë asnjë prej këtyre materialeve konfidenciale. Ky vendim është një përpjekje e Gjykatës Speciale për të legjitimuar arrestimin e kryetarit dhe nënkryetarit të OVL të UÇK-së, Hysni Gucatit e Nasim Haradinajt. Kjo vërteton se publikimet e dokumenteve të deritanishme janë të Gjykatës Speciale”, ka saktësuar, avokati, Tomë Gashi.
