Tri ditëve të fundit asnjë i infektuar në komunën e Vitisë-situata nën kontroll

16/07/2020 Institucionet

Në tri ditët e fundit, nuk është shënuar asnjë rast pozitiv me Covid 19 në komunën e Vitisë. Momentalisht janë 5 të shëruar, të hospitalizuar 4, si dhe numri aktiv i të prekurve është 23. Janë këto të dhënat që i bëri të ditur kryetari i komunës, njëherit kryesues i Këshillit Komunal për Mbrojtje dhe Shpëtim, Sokol Haliti, i cili po ashtu theksoi se falë bashkëpunimit të mirë, menaxhimit të suksesshëm, por edhe duke ju falënderuar policisë së Kosovës, Inspektoratit dhe institucioneve tjera që janë të inkuadruara në luftimin e pandemisë, kemi një situatë të mirë dhe nën kontroll. Gjithashtu, ai ka kërkuar që të vazhdohet me klorifikimin dhe dezinfektimin, ndërkohë që ka apeluar tek qytetarët që të vazhdojnë me respektim strikt të masave mbrojtëse. Komandanti i stacionit policor në Viti, kapiten Afrim Halili, njoftoi se fokusimi i organeve të rendit është respektimi i masave nga ana e qytetarëve, posaçërisht vendosja e maskave. Sipas tij, disiplina që po tregojnë qytetarët, është optimiste për një përmirësim të mëtutjeshëm të gjendjes.

Kontrolloni gjithashtu

Kryetari Latifi nënshkroi kontratat me tre praktikantë nga skema praktike në punë

Sot, kryetari i komunës së Rahovecit z. Smajl Latifi nënshkroi kontratat me tre praktikantë nga …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara