Udhëhequr nga Kryesuesi Arbër Zenuni, u mbajt seanca e muajit mars, e treta e rregullt për këtë vit kalendarik.
Të pranishëm në seancë përveç kuvendarëve, si zakonisht ishin edhe Kryetari i Komunës, Smajl Latifi, Nënkryetari Fatmir Iska, drejtorët e drejtorive komunale, zyrtarët komunalë, mediat që monitorojnë seancën dhe përfaqësuesit e OSBE-së.
Si çdo herë, fillimi i seancës u karakterizua me pyetje të kuvendarëve për kryetarin e komunës, respektivisht ekzekutivin.
Pyetjet dhe diskutimet ishin rreth bartjes së mjeteve nga viti 2022 dhe 2023, në vitin 2024, mundësia që rruga Hamoc – Celinë të shtrohet me shavorr
”Shtëpia e Verës” Bërnjak – promovimi i turizmit dhe kërkesat për dhënien në shfrytëzim
Lokacioni i stadiumit të qytetit – Rahovec
Vendosja e fotografive në varrezat e dëshmorëve në Celinë
Mundësia e rregullimit të rrugës Fortesë – Celinë
Shërbimet e QKMF-së në Rahovec – orari i pediatrisë
Sheshi qëndror – hidroizolimi
Në pyetjet e parashtruara, anëtarët e kuvendit morën përgjigje konkrete nga kryetari i komunës, nënkryetari dhe drejtorët e drejtorive komunale.
Me propozim të asambeistit Defrim Kafexhiu, pika e dytë standarde e rendit të ditës u riemërua, duke iu shtuar edhe fjala “diskutime” – (Pyetje, përgjigje dhe diskutime në pyetje të kuvendarëve).
Propozimi i asambleistes Shqipe Kryeziu, ishte që pikërisht kjo pikë të jetë si pikë standarde, por në rend dite të jetë e fundit.
Propozimet u votuan me shumicë votash.
RENDI I DITËS me 12 pika:
1. Shqyrtimi dhe miratimi i procesverbalit nga mbledhja e kaluar
2. Pyetjet dhe përgjigjet në pyetjet e kuvendarëve
3. Shqyrtimi dhe miratimi i propozim-vendimit për bartjen e mjeteve vetanake të pashpenzuara nga viti 2022 dhe 2023, në vitin 2024
4. Shqyrtimi dhe miratimi i propozim-vendimit për ndarjen e P-02658-0 ZK-Rahovec dhe formimi i parcelës së re në emër të Komunës së Rahovecit
5. Shqyrtimi dhe miratimi i propozim-vendimit për dhënien në shfrytëzim afatshkurtër nga 1-15 vjet për organizatat e shoqërisë civile, P-00301-3 ZK-Bërnjak
6. Shqyrtimi dhe miratimi i vendimit për formimin e komisionit për zbatimin dhe vlerësimin e ofertave të dhënies në shfrytëzim të pronës së paluajtshme të komunës, P-00301-3 ZK-Bërnjak
7. Shqyrtimi dhe miratimi i propozim-vendimit për subvencionimin e mbulimit të shpenzimeve të varrimit për vitin 2024
8. Shqyrtimi i propozim-vendimit për caktimin e lokacionit për ndërtimin e stadiumit në Rahovec;
9. Shqyrtimin i Raportit të Komitetit të Auditimit të Brendshëm
10. Shqyrtimi i informatës për menaxhimin e Aseteve Komunale
11. Shqyrtimi i informatës mbi listën e pronave komunale dhe menaxhimi i tyre
12. Shqyrtimi i informatës rreth Programit për Banim për vitin 2023.
Në mbledhjen e sotme, ishte një pikë shtesë:
Shqyrtimi dhe miratimi i vendimit 01Nr.197/24 i datës 29.02.2024 për plotësimin e listës rezervë për emërtimin e rrugëve dhe shesheve në Komunën e Rahovecit.
Seanca u cilësua me angazhim dhe efikase.
Pikat e rendit të ditës u votuan me shumicë votash dhe njëzëri nga anëtarët e kuvendit
Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
