U mbajt takim informues për promovimin e sektorit të Bimëve Mjekësore Aromatike

04/12/2019 Institucionet

Në kuadër të Programit Rajonal për Demokracinë Lokale në Ballkanin Perëndimor (ReLOad), që financohet nga Bashkimi Evropian dhe zbatohet nga Programi për Zhvillim i Kombeve të Bashkuara (UNDP), është mbajtur në Viti një takim informues me fermerët e komunës së Vitisë, me qëllim të promovimit të sektorit të Bimëve Mjekësore Aromatike. Nita Ferizi Sadiku menaxhere e projektit për komunën e Vitisë, ka theksuar se ky projekt ka për qëllim zhvillimin dhe mbështetjen e fermerëve të kësaj komune që merren me kultivimin e bimëve mjekësore aromatike. Kryetari i komunës së Vitisë Sokol Haliti, ka thënë se ne po bëjmë shumë punë në shumë sektor, por edhe po realizojm një sërë projektesh të kësaj natyre. “Në bashkëpunim me donatorë të ndryshëm, po implementohen projekte që po ndikojnë në zhvillimin e shumë sektorëve në komunën tonë, siç janë: blegtoria, perimtaria, pemëtaria, etj. Qëllimi ynë gjithnjë ka qenë mbështetja e fermerëve, por edhe shfrytëzimi i potencialeve që ka komuna e Vitisë”, ka thënë kryetari Haliti, duke falënderuar donatorët dhe garantoj bashkëpunim të ndërsjellë. Ai po ashtu ka thënë se implementimi i suksesshëm i projektit, sjell edhe projekte të tjera, që zhvillojnë sektorët tjerë. Ndërsa Fjolla Raifi nga UNDP, ka thënë se ky takim, në kuadër të këtij projekti, është ndër takimet e para që mbahet në komunat partnere. Ajo theksoi se janë 5 komuna përfituese të këtij projekti. Ndërkohë, ajo është fokusuar edhe në kampanjën kundër dhunës ndaj femrës, kurse ka falënderuar komunën e Vitisë dhe kryetarin Haliti për bashkëpunimin e deritanishëm.

Kontrolloni gjithashtu

Komiteti për Familjet e Dëshmorëve, Invalidëve dhe Veteranëve të UÇK-së  dhe Martirëve të luftës në komunën e Malishevës mbajti mbledhjen e tretë të rregullt

Komiteti për Familjet e Dëshmorëve, Invalidëve dhe Veteranëve të UÇK-së  dhe Martirëve të luftës në …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara