Pas lansimit të raketës së dytë balistike të Koresë së Veriut mbi territorin e Japonisë, Shtetet e Bashkuara të Amerikës kanë kërkuar nga Kina dhe Rusia që të ndërmarrin masa ndaj Koresë së Veriut. Sekretari amerikan i shtetit, Rex Tillerson, theksoi se Kina e furnizon Korenë Veriore me pjesën më të madhe të naftës së nevojshme ndërsa Rusia është punëdhënësi më i madh i forcës punëtore verikoreane. Kina dhe Rusia duhet ta theksojnë jotolerancën e tyre për këto lansime raketore të pamatura, duke ndërmarrë aksione direkte, porositi sekretari amerikan i shtetit, Rex Tillerson. Zyrtarët amerikan kanë tërhequr vërejtjen se distanca që ka përshkuar raketa e dytë balistike e Koresë së Veriut është aq e gjatë sa mund ta arrijë territorin e Guamit në Paqësor të Shteteve të Bashkuara të Amerikës.
Kontrolloni gjithashtu
Bajraktari: Për një periudhë tejet të gjatë kohore krimet e luftës kanë qenë kompetence e autoriteteve ndërkombëtare
Avokati Ardian Bajraktari ka vlerësuar se trajtimi i krimeve të luftës në përgjithësi dhe atyre …