Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Valon Murati, kryetar i Lëvizjes për Bashkim tha se deklarata e Albin Kurtit është një lloj populizmi. Ai pohoi se, nëse ka një referendum, gjithkush do të ishte pro bashkimit të Shqipërisë dhe Kosovës dhe vota pro e kreut të Vetëvendosjes është diçka që nuk ka nevojë për vëmendje. Sipas tij duhen marrë masa që të ndryshojë Kushtetuta e më pas të vijojë një proces i rregullt bashkimi dhe të matet dhe vullneti i popullit, për të cilin Murati nuk kishte asnjë dyshim se do të ishte pro. Ai mendon se peshën më të madhe sa i takon bashkimit të Shqipërisë dhe Kosovës e ka zgjidhja e konfliktit me Serbinë. Ndërkohë përmend gjithashtu se në tavolinën e bisedimeve Kosovë – Serbi duhet patjetër të shtrohet çështja e ripërcaktimit të kufijve dhe të mos flitet kurrsesi për asosacion të komunave serbe sepse kjo do të ishte fatale për funksionalitetin e shtetit të Kosovës.
