kek
Airport Adem Jashari
MIT
Fillimi / Institucionet / Vazhdojmë më moton ,,Të gjithë bashkë për Deçanin Ekologjik dhe të pastër”

Vazhdojmë më moton ,,Të gjithë bashkë për Deçanin Ekologjik dhe të pastër”

Deri në fund të vitit 2019 komuna e Deçanit dhe Ndërmarrja Komunale ,,Higjiena’’ do të ketë mbulueshmërinë për mbeturina 100 ℅, kështu u bë e ditur përmes një takimi ku i pranishëm ishte kryetari i komunës së Deçanit Bashkim Ramosaj, Drejtori i Shërbimeve Publike Mbrojtje dhe Shpëtim Izet Zenuni, me bashkëpunëtorë, përfaqësues të ndërmarrjes ,,Higjiena’’ përfaqësues të GIZI-it Gjerman, të cilët bashkë kanë diskutuar për mundësin e shtrirjes së rrjetit për grumbullimin e mbeturinave në tërë territorin e komunës së Deçanit. Komuna e Deçanit në bashkëpunim me organizatën qeveritare GIZ-I gjerman dhe me organizatën joqeveritare në Kosovë Green Art Center-Prishtina (GAC) vijon kampanjën “Deçani Ekologjik”, në kuadër të së cilës synohet zgjerimi i shtrirjes së shërbimit të grumbullimit të mbeturinave në 100% të territorit komunal si dhe pastrimin e të gjitha deponive ilegale dhe revitalizimin e tyre për një mjedis më të pastër. Kryetari i Komunës Bashkim Ramosaj, tregon se komuna ka bërë të gjitha parapërgatitjet dhe investimet dhe është e gatshme për implementimin e këtij plani konkret dhe tendencioz që do e sjellë Komunën e Deçanit, në një komunë ekologjike duke ju përshtatur edhe natyrës e bukurive natyrore që bart ky qytet. Në komunën e Deçanit, Departamenti i Shërbimeve Publike dhe kompania komunale “Higjiena” të përkrahur me ekspertizë të jashtme në fushën e menaxhimit të mbeturinave janë duke bërë të gjitha përgatitjet e nevojshme për implementimin e këtij plani, i cili do ta sjellë këtë komunë në shtrirjen e shërbimit nga 30,8% sipas raportit të AMMK për vitin 2018 në 100% deri në fund të vitit 2019. Sipas drejtorit të Shërbimeve Publike Izet Zenuni, ndërmarrja komunale ,,Higjiena’’ ka kapacitet të mjaftueshëm për shtrirjen e rrjetit në tërë sipërfaqen e komunës se Deçanit deri në fund të këtij viti. Brenda muajit Nëntor ne mund të prefshim fshatrat Lebushë, Isniq, Dubovik, Prapaqan, Llukë e Ulët, Papiq dhe Lumbardh, ndërsa deri në gjysmën e dytë të muajit Dhjetorë të po këtij viti do të arrimë të kem shtrirje në të gjitha fshatrat ku në sistemin e grumbullimit të mbeturinave do të përfshihen edhe fshatrat e: Kodrali, Pozhar, Irzniq, Prilep, Gllogjan, Shaptej, Dubravë, Gramaqel, Baballoq, Lagjaj e Dëshmorëvë dhe Prokolluki.

Kontrolloni gjithashtu

Nënkryetari Lushtaku, ka përcjellë nga afër realizimin e punimeve të rrugëve në fshatrat Rezallë, Plluzhinë dhe Likovc

Në kuadër të projekteve të ndryshme që po zhvillohen në komunën e Skenderajt, nënkryetari i ...