Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Prishtinë, mijëra veteranë të Ushtrisë Çlirimtare të Kosovës dhe qytetarë u mblodhën dje në sheshin “Skënderbeu” për të protestuar kundër Gjykatës Speciale në Hagë, e mbështetur nga Bashkimi Evropian. Protesta, e organizuar nga OVL-UÇK, u zhvillua nën moton “Së bashku kundër padrejtësisë. UÇK-ja është lavdi, jo aktakuzë”, në mbështetje të ish-udhëheqësve të UÇK-së që po gjykohen për krime lufte. Në pankarta u panë mesazhe si “Ata janë heronj”, me emrat e Hashim Thaçit, Kadri Veselit, Jakup Krasniqit dhe Rexhep Selimit, të cilët ndodhen në paraburgim që nga viti 2020. Kreu i OVL-së, Hysni Gucati, akuzoi Gjykatën për “deformim të historisë” dhe padrejtësi ndaj atyre që, siç tha, luftuan për liri dhe dinjitet njerëzor. Sipas agjencisë Associated Press, protesta kaloi pa incidente. Gjykata Speciale u krijua pas raportit të Këshillit të Evropës të vitit 2011, ku përmendeshin akuza për trafikim organesh – pretendime që nuk figurojnë në aktakuzat aktuale. Deri tani, dy ish-anëtarë të UÇK-së janë dënuar nga kjo gjykatë, përfshirë Pjetër Shalën. Gucati dhe Haradinaj nga OVL janë dënuar në Holandë për pengim të drejtësisë dhe frikësim dëshmitarësh.
