Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas vendimit të Gjykatës Kushtetuese e cila e shpalli antikushtetuese krijimin e Ekipit Negociator me Serbinë, Vetëvendosja ka kërkuar nga ky ekip që t’i kthej mjetet e shpenzuara. Gjatë konferencës për medie, deputetja nga radhët e Vetëvendosjes, Albulena Haxhiu theksoi se antarët e Ekipt Negociator duhet të japin përgjegjësi penale ose t’i kthejnë mjetet e shpenzuara në buxhetin e Kosovës. Qeveria ka bërë shkelje me ndarjen e atyre mjeteve, por tash ne nuk jemi në dijeni sesa prej asaj shifre e kanë shpenzuar. Për këtë, do të duhej që menjëherë, qysh sot të dalin dhe të bëjnë transparente shumën që e kanë shpenzuar, qoftë si ekip në këto vizita, hotelet, meditjet etj., qoftë edhe militanëtët partiakë që këta persona i kanë angazhuar kinse si ekspert. Do me thënë, këta ose duhet të japin përgjegjësi penale për secilin shpenzim apo për secilin cent që e kanë shpenzuar, ose duhet t’i kthejnë cent për cent buxhetit të Republikës të Kosovës, të gjitha paratë që i kanë shpenzuar në mënyrë të paligjshme dhe arbitrare, theksoi deputetja, Albulena Haxhiu.
