VIHEN THEMELE TË BASHKËPUNIMIT KOSOVË – GREQI NË INFRASTRUKTURË DHE TRANSPORT

18/12/2018 Institucionet

Ministri i Infrastrukturës Pal Lekaj, është pritur në takim nga homologu grek Christos Spirtzis dhe bashkëpunëtoret e tij më të lartë. Temë qendrore e diskutimit mes dy delegacioneve, ishte nevoja e menjëhershme e bashkëpunimit Kosovë – Greqi në fushën e infrastrukturës dhe transportit. Spirtzis i ka propozuar ministrit Lekaj, themelim të komisioneve punuese për punë të përbashkëta në dikasteret që ata udhëheqin dhe marrëveshje mes ministrive, në fushën e aviacionit civil, transportit të njerëzve dhe mallrave dhe në fushën e hekurudhave. Lekaj ka shprehur gatishmërinë që të nisin këto procedura menjëherë, duke filluar me përcaktimin e ekipeve teknike. Të dy ministrat janë pajtuar se njohja e shteteve është procedurë formale që po vonohet, meqë popujt janë të afruar mes vete dhe zyrtarizmi i bashkëpunimeve është mëse i nevojshëm. Ministri Lekaj e ftoi kreun e infrastrukturës dhe transportit të Republikës Helene, të vizitojë Kosovën për të parë nga afër zhvillimin infrastrukturor të shtetit më të ri në Evropë.

Kontrolloni gjithashtu

Skenderaj po bëhet gati për marshin protestues “Kosova po pret”

Kryetari i komunës së Skenderajt, z.Sami Lushtaku përmes një postimi të tij në facebook, ka …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara