Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Organizata e OKB për Fëmijët, UNICEF ka paraqitur një raport për tmerrin të gjatë vitit 2018 kanë pësuar fëmijët sidomos në Afganistan dhe në Siri por edhe në vende të tjera të botës. Njerëzimi nuk ia ka dalë as këtë vit të mbrojë fëmijët në vatrat e konfliktit. Dhjetëra mijëra syresh janë vrarë e përdhunuar. Në Siri janë vrarë nga janari në shtator të vitit 2018, 870 fëmijë. Kjo është shifra më e lartë e një nëntëmujori që nga fillimi i luftës në Siri. Në Afganistan në të njëjtën hapësirë kohore janë vrarë ose plagosur 5000 fëmijë. 89% e viktimave civile nga minat janë fëmijë. Edhe në Jemen ka pasur një numër të lartë viktimash të fëmijëve. Të paktën 1427 fëmijë janë vrarë ose plagosur nga lufta në këtë vend. UNICEF u bën thirrje palëve në konflikt që të ndalin menjëherë dhunën kundër fëmijëve dhe veçanërisht të heqin dorë nga sulmet në shkolla dhe spitale.
