Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e PDK-së, Vlora Çitaku, ka reaguar pas dështimit të 24-të me radhë për konstituimin e Kuvendit të Kosovës, duke e quajtur situatën një ngërç të krijuar artificialisht. “Sot do të duhej të ishim në seancë për ta shkarkuar bordin e ZRrE-së, për të adresuar një çështje me rëndësi për qytetarët,” tha Çitaku për media. Ajo akuzoi kryeministrin në detyrë, Albin Kurti, për kryeneçësi politike dhe përpjekje për të legjitimuar presionin ndaj deputetëve. “Nuk votohet me diktat. Kjo është një krizë e shkaktuar me vetëdije. I bëj thirrje të gjithëve për reflektim,” theksoi ajo. Çitaku paralajmëroi se zvarritja e konstituimit të Kuvendit po rrezikon funksionimin demokratik dhe përgjegjësinë ndaj qytetarëve.
