Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e Partisë Demokratike të Kosovës, Vlora Çitaku, ka reaguar ashpër ndaj deklaratës së deputetit të Lëvizjes Vetëvendosje, Fatos Geci, duke e cilësuar atë si të papranueshme dhe shqetësuese për diskursin politik në vend. Çitaku është shprehur se nuk do ta kishte imagjinuar kurrë që brenda Kuvendi i Kosovës të artikulohej kërkesa për dënim të përjetshëm ndaj çlirimtarëve, dhe atë nga një përfaqësues i zgjedhur i popullit. Në institucionin më të lartë përfaqësues në vend, dëgjuam deklarata që cenojnë rëndë historinë dhe sakrificën për liri. Është e pabesueshme që një ‘kinse deputet’ të kërkojë burgim të përjetshëm për ata që luftuan për çlirimin e vendit, ka deklaruar ajo. Sipas saj, deklarata të tilla tregojnë një degradim të rrezikshëm të debatit publik dhe një shkëputje nga vlerat mbi të cilat është ndërtuar shteti i Kosovës. “Kjo tregon se deri ku ka rrëshqitur gjendja në vendin tonë. Pasojat e kësaj logjike do t’i paguajmë të gjithë”, ka paralajmëruar Çitaku, duke bërë thirrje për më shumë përgjegjësi dhe kujdes në diskursin politik.
