Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Serbisë, Aleksandar Vuçiq, konsideron se kufijtë mes Kosovës dhe Serbisë do të duhej të përcaktoheshin, në atë mënyrë që të ketë paqe e stabilitet me shqiptarët në 100-200 vjetët e ardhshme, por vullneti i qytetarëve është kundër, raportojnë mediet e Beogradit. Vuçiq u tha gazetarëve se Serbia është larg nga qëndrimet për zgjidhjen e problemit të Kosovës, por ka paralajmëruar se do të vazhdojë të luftojë dhe të bisedojë në mënyrë që një ditë të jetë e mundshme marrëveshja, porse nuk e di “në se do të ndodhë brenda tre muajsh apo brenda një viti”. Duke u përgjigjur në pyetjen rreth kufirit, Vuçiq tha se askush në botë nuk e di se ku janë ata kufij, por për hir të ardhmërisë ka rëndësi që ta dimë ku janë kufijtë që të kemi paqe dhe stabilitet me shqiptarë. Mendoj se ishte gabim dhe nuk është vlerësuar në pikëpamje strategjike, por do ta respektoj vendimin e popullit, ka thënë Vuçiq.
