Vujiçiq: Kosova të përmbushë obligimet ndaj Malit të Zi dhe malazezëve

Vujiçiq: Kosova të përmbushë obligimet ndaj Malit të Zi dhe malazezëve

Kryetari i Shoqatës së malazezëve në Kosovës, Sllobodan Vujiçiq, i ka bërë thirrje Qeverisë së Kosovës dhe partive politike që të tejkalojnë konfliktet e brendshme dhe në kohën sa më të shkurtër të përmbushin obligimet e marra ndaj Malit të Zi dhe bashkësisë ndërkombëtare, përshirë dhe demarkacionin për kufirin. Ai ka thënë se Prishtina zyrtare që nga shpallja e pavarësisë e deri më sot, asnjërën prej obligimeve të marra ndaj Malit të Zi dhe malazezëve në Kosovë nuk e ka kryer në tërësi dhe nuk i ka përmbushur premtimet e dhëna. Sipas tij, moskryerja e obligimeve dhe premtimeve ka të bëjë me ratifikimin e demarkacionit nga Kuvendi i Kosovës, nga e cila edhe ndjeshëm varet edhe e ardhmja dhe dinamika me të cilën do të shkojmë drejt integrimeve euroatlantike.

“Kemi premtimet deklarative tash e 10 vjet se malazezët së shpejti do të jenë kategori kushtetuese, edhe pse pranimi ynë kushtetues realisht nuk shihet askund. Ajo që është lehtë e realizueshme, është fillimi i implementimit të strategjisë për integrim dhe afirmim të bashkësisë malazeze dhe hapja e Qendrës zhvillimore, për më shumë se dy vjet nuk ka vullnet as pjekuri politike që të fillohet me realizim”, ka thënë Vujiçiq.

Kontrolloni gjithashtu

Pavarësisht paralajmërimeve se sanksionet e BE-së ndaj Kosovës do të hiqen, mbase gradualisht, ende nuk është marrë asnjë vendim

Pavarësisht pritjeve dhe paralajmërimeve se masat e Bashkimit Evropian ndaj Kosovës do të hiqen, së …