Vujiçiq: Ushtria e Kosovës nuk do të jetë kërcënim për paqen dhe stabilitetin e vendeve të rajonit ashtu siç po mundohet ta paraqes Vulini

Vujiçiq: Ushtria e Kosovës nuk do të jetë kërcënim për paqen dhe stabilitetin e vendeve të rajonit ashtu siç po mundohet ta paraqes Vulini

Kryetari i Shoqatës së Malazezëve të Kosovës, Sllobodan Vujiçiq ka deklaruar se së shpejti deputetët serbë nuk do të kenë dilema për votimin e Ushtrisë së Kosovës.  Këtë ai e ka argumentuar në faktin se ata kanë dhënë betimin si përfaqësues të Republikës së Kosovës. Sipas tij, krijimi i Ushtrisë së Kosovës nuk do të ishte rrezik për askënd, duke përfshirë edhe Serbinë. “Forca e tanishme Mbrojtëse dhe e ardhmja e Armatosur e Kosovës, në partneritet me NATO-n dhe me SHBA-në, nuk do të jetë kërcënim për paqen dhe stabilitetin e vendeve të rajonit, siç dëshiron ta paraqes ministri Vulin, por do të jetë e kundërta, garant i tij”, ka thënë Vujiçiq, transmeton lajmi.net

Sipas tij, serbët duhet ta votojnë Ushtrinë pasi kjo garanton sigurinë territoriale të Kosovës dhe respektimin e Kushtetuës. “Me këtë veprim, ata janë zotuar se do të punojnë në interes të Kosovës dhe të të gjithë qytetarëve të saj, se do të angazhohen në mbrojtjen dhe respektimin e kushtetutshmërisë dhe ligjshmërisë, në mbrojtje të tërësisë territoriale dhe integritetit institucional të Kosovës, për garantim të lirive dhe të drejtave të njeriut, në pajtim me ligjet e vendit dhe standardeve evropiane”, ka thënë ai.

Kontrolloni gjithashtu

Besnik Tahiri, mori pjesë në Asamblenë Parlamentare të Këshillit të Evropës, ku u diskutua raporti për vëzhgimin e zgjedhjeve në Serbi

Besnik Tahiri: Kur jemi bashkë, gjithçka arrihet, gjithçka është e mundur

Kryetari i Grupit Parlamentar të AAK-së, Besnik Tahiri, ka shprehur gëzimin e tij dhe ka …