Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zëvendës-ministri i Brendshëm në detyrë, Zafir Berisha, njëherit zyrtar i NISMA-s vazhdon të drejtojë kritika ndaj kreut të Vetëvendosjes, Albin Kurti. Ai përmes një postimi në rrjetin social ka thënë se të hipnotizuarit e Albin Kurtit dhe Vetëvendosjes, pavetëdije vazhdojnë t’i shërbejnë agjendave serbo-ruse në raport me zhvillimet politike në Kosovë dhe për Kosovën. “Hipnotizimi i një pjese të shoqërisë nga Albini dhe sekti i tij politik, ka bërë që sot në Kosovë të kemi një përplasje të vullneteve dhe interesave në shpërputhje me situatën në të cilën gjendemi si shoqëri! ‘Hipnotizimi është një gjendje e ndërgjegjes njerëzore që ndryshon nga gjendja e zakonshme mendore. Llogaritet si trans mendor, që shënon një nivel tjetër të vetëdijes’. Ofendimet, shpifje dhe linçimet e stilit “gebelsian”, si dhe gjuha përçare e linçuese që po përdoret nga të hipnotizuarit e Albinit në drejtim të atyre që nuk mendojnë si ata, nuk është e rastësishme, kjo i ngjanë Gjermanisë së viteve 30 të shekullit të kaluar”, ka shkruar Zafir Berisha.
