Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Muamer Zukorliq, kryetar i Bashkësisë Demokratike Boshnjake dhe deputet në Kuvendin e Serbisë ka deklaruar se i intereson shumë dialogu për Kosovën dhe e përshëndet fuqimisht iniciativën e Vuçiqit. Mendoj se në këtë dialog duhet të përfshihen strukturat, të gjithë përfaqësuesit e institucioneve, qytetarë të shquar, por edhe boshnjakët. Çështja e Kosovës nuk është vetëm çështje serbo-shqiptare, por ajo është çështje edhe e sigurisë rajonale, ka thënë ai për gazetën Danas, Zukorliq thekson se çështja e përfshirjes së Bosnjës e Hercegovinës dhe të Republikës serbe në atë dialog, do të ishte shthurje e gjithë rajonit. Të bisedohet për Republika Srpska, atëherë aty do të duhej të përfshihej Sarajeva, por edhe Sanxhaku dhe nuk mund të trajtohet çështja e Republikës serbe vetëm në Beograd. Kjo çështje hap edhe çështjen e Sanxhakut, dhe ne duhet të marrim pjesë ne, por edhe faktorët tjerë. Hapja e parcializuar e kësaj çështjeje hap dyert e destabilitetit në rajon, thotë Muamer Zukorliq.
