Shefi i grupit parlamentar të LDK-së, Avdullah Hoti, ka deklaruar se Zyra e Kryeministrit, Ramush Haradinaj, po abuzon dhe po e keqpërdor buxhetin e Kosovës. Për këtë, Lidhja Demokratike e Kosovës fton organet përgjegjëse që të merren me keqpërdorimet milionëshe të kësaj zyre, ka saktësuar Hoti duke komentuar raportin e Auditorit të Përgjithshëm për zyrën e kryeministrit. Ai ka thënë se shqyrtimi i këtij raporti do të bëhet edhe në Komisionin për Mbikëqyrjen e financave Publike. Ky raport nuk do të mbetet me kaq, por do të shqyrtohet në mbledhjet e ardhshme të komisionit dhe eventualisht do të shkojë edhe në sallë. Dhe, unë ftoj edhe organet përgjegjëse që të merren me këto keqpërdorime milionëshe të taksave të qytetarëve”, tha thënë mes tjerash Avdullah Hoti. (KosovaPress)
Kontrolloni gjithashtu
Ejup Maqedonci: Serbia me qasjen e saj hegjemoniste dhe agresive karshi Kosovës do të bëjë që tensionet të vazhdojnë
Ministri i Mbrojtjes së Kosovës, Ejup Maqedonci, dje pas bllokimit në kufi me Serbinë të …