Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas fillimit të protestave paqësore të studentëve, më 11 mars në Prishtinë dhe shtypjes së tyre brutale nga policia jugosllave më 26 mars, ditën kur kishte parakaluar Stafeta e kultit të Titos, më 1 prill të vitit 1981 studentë, nxënës e punëtorë mbajtën një protestë masive në qendër të Prishtinës, duke kërkuar lirimin e protestuesve nga burgu dhe duke paralajmëruar revoltën popullore kundër shtypjes shfrytëzimit që i bëhej Kosovës, por duke paraqitur edhe kërkesa për avancimin e pozitës kushtetuese të Krahinës së Kosovës në Republikë të barabartë në federatën jugosllave. 1 prilli i vitit 1981 në Prishtinë shënoi fillimin pa kthim të rrugës për ndarjen e Kosovës nga Jugosllavia. Në ditët pasuese më 2 dhe 3 prill protestat përfshinë tërë vendin ku pati 10 të vrarë, qindra të plagosur dhe mijëra shqiptarë të arrestuar.
