16 Qershori në Malishevë, do të shënohet me shumë aktivitete

05/06/2019 Institucionet

 

 

 

Në mbledhjen e Këshillit të Drejtorëve, e cila është drejtuar nga nënkryetari i Komunës së Malishevës, Hajdin Berisha, është bërë e ditur se me rastin e shënimit të 16 Qershorit-Ditës së Dëshmorëve dhe Ditës së Çlirimit të Malishevës, do të zhvillohen aktivitete të shumta, kulturore dhe sportive, krahas aktiviteteve tjera të rregullta dhe zyrtare. Drejtoresha e Drejtorisë për Kulturë, Rini dhe Sport, Besartë Kryeziu-Ramaj, ka deklaruar se janë duke u bërë përgatitjet për shënimin e 16 Qershorit, që këtë vit është dhe jubilar, pasi është 20 vjetori i çlirimit të Malishevës. “Aktivitetet janë të shumta, ku krahas aktiviteteve zyrtare, si mbledhjet solemne, nderimet dhe homazhet dhe tubimi qendror, gjatë tërë javës do të ketë aktivitete të shumta kulturore dhe sportive, të cilat janë përgatitur për këtë rast. Përndryshe, në këtë mbledhje të Këshillit të Drejtorëve, drejtorët e drejtorive komunale, kanë raportuar para nënkryetarit Berisha, për punët dhe aktivitetet e tyre gjatë javës së kaluar dhe për planifikimet për këtë javë. Bazuar në këto raportime, ditëve në vijim, do të fillojnë të realizohen edhe shumë projekte të planifikuara, pjesë e investimeve kapitale, e që kryesisht lidhen me infrastrukturën. Po ashtu, në këtë mbledhje u bë e ditur se nga java e ardhshme, varësisht prej kushteve atmosferike, pritet të filloj edhe fushata e dezinsektimit kundër rriqrave, në zonat endemike.

Kontrolloni gjithashtu

Filloi edhe një projekt i ri rrugor në komunën e Skenderajt

Filloi edhe një projekt i ri rrugor në komunën e Skenderajt, shumë i rëndësishëm për …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara