Limak Kosovo
Fillimi / Lajmet / 20 vjet pas luftës autoriteteve gjyqësore në Kosovë u bie në mend se mund t’i dënojnë në mungesë kriminelët serbë
Jetlir Zymberaj: Kosova do t’i ndjek penalisht të gjithë serbët që kanë kryer krime gjatë luftës

20 vjet pas luftës autoriteteve gjyqësore në Kosovë u bie në mend se mund t’i dënojnë në mungesë kriminelët serbë

Shumë kriminelë nga Serbia, të cilët organet e ndjekjes penale në Kosovë i shohin si përgjegjës për krime lufte gjatë periudhës 1998-99, mund të gjykohen në mungesë nën dyshimet për krime lufte në Kosovë, thonë autoritetet në Prishtinë. Gjykimet për rastet e krimeve të dyshuara të luftës, janë kthyer në një top-prioritet për institucionet e Kosovës, tani 20 vjet pas përfundimit të konfliktit, i cili si pasojë la më shumë se 13 mijë viktima në njerëz dhe shumë krime tjera të pandriçuara. Personat që autoritetet në Kosovë i shohin përgjegjës për këto krime, sipas organeve të rendit, kryesisht jetojnë në Serbi, por edhe në ndonjë vend tjetër të rajonit. Sjellja e tyre para drejtësisë në Kosovë, konsiderohet gati e pamundshme, pasi që Serbia nuk e njeh shtetin e Kosovës, andaj rrjedhimisht edhe nuk mund të ketë një marrëveshje ekstradimi. Ministria e Drejtësisë ka proceduar për miratim në Kuvendin e Kosovës plotësim ndryshimin e Kodit të Procedurës Penale, ku është paraparë edhe dispozita për gjykimin dhe dënimin në mungesë. Ministri i Drejtësisë, Abelard Tahiri, mendon se gjykimi edhe në mungesë i këtyre personave e ka domethënien dhe kuptimin e vet dhe sapo pak shpaguan edhe borxhin ndaj viktimave.

Kontrolloni gjithashtu

Qeveria e Beogradit pezullon fushatën për tërheqjen e njohjeve të pavarësisë së Kosovës nga shtetet e botës

Qeveria e Beogradit pezullon fushatën për tërheqjen e njohjeve të pavarësisë së Kosovës nga shtetet e botës

Qeveria e Beogradit ka pranuar të pezullojë fushatën për tërheqjen e njohjeve të pavarësisë së ...