Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Bëhet e ditur zyrtarisht se 340 punëtorë aktualë të Telekomit të Kosovës kanë pranuar deri tani ofertën e Qeverisë për pensionim të parakohshëm ose largim vullnetar nga puna, si një strategji për ta zbutur krizën financiare me të cilën po përballet kjo ndërmarrje publike tash e disa vjet. Këto shifra pritet të rriten, pasi menaxhmenti në Telekom ka vendosur që ta shtyjë afatin deri më 10 maj për ata punëtorë që duan të përfitojnë nga kjo ofertë. Kjo shtyrje ka ardhur me kërkesë të punëtorëve, të cilët nuk janë të vendosur akoma nëse duan ta pranojnë ofertën për pensionim të parakohshëm ose largim vullnetar nga puna. Mjetet financiare për punëtorët që do ta pranojnë njërën nga ofertat pritet të mbulohen nga Qeveria e Kosovës.
