Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Qeveria e Kosovës ka miratuar programin 2017-2021. Në mbledhjen e se hënës Qeveria ka miratuar edhe shqyrtimin e programit legjislativ për vitin 2017-të, duke i përfshirë edhe projektligjet e kthyera nga legjislatura e kaluar e Kuvendit. Gjatë kësaj mbledhje, kreu i Qeverisë, Ramush Haradinaj ka ngushëlluar familjen e Auron Zekës, i cili ditë më parë është gjetur i vrarë në Prishtinë. Haradinaj njoftoi se në programin legjislativ të vitit 2017 janë të përfshirë edhe 22 projektligje të cilat i janë kthyer Qeverisë pas shpërbërjes së Kuvendit. Ai tha se programi legjislativ për vitin 2017 është shfuqizuar, megjithatë, tha se i njëjti mund të ndryshohet dhe plotësohet varësisht prej prioriteteve.
“Në këtë program legjislativ janë përfshira edhe projektligjet që ishin në procedurën e shqyrtimit në Kuvend dhe ju janë kthyer Qeverisë me arsyetimin e shpërbërjes së Kuvendit . Kuvendi i ka kthyer 22 projektligje. Pra shfuqizohet programi legjislativ për vitin 2017-të i miratuar në mbledhjen e 125 të republikës së Kosovës… I cili mund të diskutohet edhe në të ardhmen të plotësohet ,ndryshoj, varësisht prej prioriteteve , apo kërkesave që mund të pasojnë nga secili resor veç e veç”, tha Haradinaj.
